目錄 購物車 {{currentCart.getItemCount()}}

《何耳,耳機叫合適 》

好啦今日唔同大家講隻耳機有幾靚幾靚😂今日同大家探討下到底咩耳機先適合自己既問題😁

其實而家有好多好多人都存在好幾個問題一直困擾緊大部份耳機用家,為左呃下大家既like同follow,小編決定以一連唔知幾多Part去為大家深入淺出咁解釋一下😅(無料學緊人扮四條)

其實而家已經可以提出到唔少現階段就不停發生既問題:
1)單元係咪越多越好?
2)聽黎聽去都係果D聲點解要買咁貴?
3)用真藍芽唔係方便好多?
4)點解要訂製?
5)耳機要煲幾耐?

真係是但都講到幾條成日答既問題出黎😅,但呢集就唔同大家直接講解住,而大家就可以起下面可以提問一直想問,或者pm我地去提問一D自己一直想知既問題啦😅

有幾條問題大家未使問住我而家都已經可以答到既😂
1)A耳機定B耳機好?
2)A耳機夾唔夾到A player?

呢D問題我而家可以直接答你😂,自己去試啦,耳仔係自己既千其唔好人云亦云🤣🤣

《何耳,耳機叫合適 Part 10》

耳機線?

唔經唔覺寫到PART10啦😂,大家對於耳機既了解有無多左呀😊
收到有朋友仔話想我講下耳機升級線,想知道點樣買先最精明😆
咁我都可以同大家分享少少心得既😉


耳機線本身買耳機果陣就有跟啦?做乜仲要買多條升級線既野?真係會好D?

其實一般大部份耳機購買果陣係會有條線跟埋,我地叫佢做跟機線先啦😁,而跟機線一般都會採用純度唔太高,或者有少少雜質既銅線生產,所以有要求、有用開耳機既用家對跟機線既期望唔高,自己都會再自行購買一條價錢貴D,但品質好好多既線材,我地就叫佢做升級線啦😁,目的就係想自己果隻耳機有一個更好既發揮😊(而家有某些品牌都會採用質素好既線材作為一個賣點)。

咁你話有冇咁既必要呢?呢個就因人而異啦😅,每個人追求既野都唔同所以無話係咪必要換,但只可以講既就係,換左一條品質好既線對於耳機既發揮係有提升既😊

下PART再同大家深入少少了解下😌👋🏻

《何耳,耳機叫合適 Part 9》

底噪?

其實大家成日提既底噪,佢真係好煩人😂,但佢本身係咩黎架呢?🤔
其實有幾樣成因可以形成底噪呢樣野😊


1:) 底噪 - 又稱背景噪聲,一般電聲系統中除有信號以外的總噪聲
因為機器通電之後,唔同電路及零件間會產生訊號干擾,而形成微弱的聲音。 

2:)增益(GAIN)太大? 
如果你本身套設備增益(GAIN)太大係會導致有底噪聲,高增益對高阻抗耳機來講會顯得推力大d,但對低阻抗耳機來講,只會更易聽到底噪。
DAC的信號直接放大係唔會點損傷音質,但如果你開到太大聲的話,而耳機阻抗低、靈敏度高的話,有時歌與歌之間或者無乜音樂既時候,你會有機會聽到D好似沙沙聲無係可避免的,除非你唔好開咁大聲😂

3:)音源檔 
   其實而家用電話聽歌好,用播放器都好,而家既檔案品質已經比以前大大提高左,以前就話MP3檔果D質素差好易聽到底噪聲,而家就算電話你聽串流用HI-FI品質都去到FLAC級別或以上,所以音源檔方面係比以前好控制左既,但都要留意返😌😌就算檔案級別優化左都好啦,由於本身錄歌既時間係無可能起1個完全0聲音既情況下進行錄歌,所以都係會有機會聽到底噪既,因為錄歌錄音果陣,其實都係會將當刻既所有野錄哂入去,所以當時既底噪聲都係會錄埋的😂😂

4:)靈敏度高?
有追開POST既都聽我講過,動鐵既靈敏度係好高,所以佢對聲音既細緻度和分析力表現係非常之好,亦因為咁,就會更加容易聽到底噪聲啦😂😂


以上呢幾點都可以大致上係形成各位聽到底噪既原因啦😂😂,所以下次如果幫襯完我地之後如果聽到有底噪唔好第一時間衝上黎鬧我先😌,了解左係咩情況先嘛😆,同埋如果聽到小編話其實你聽到底噪係好事黎架,千其唔好衝埋黎質我兩拳住🤣,我只係讚緊你有一對高分析力高靈敏度既耳機之外,仲有一副好既聽覺咋😅😅

《何耳,耳機叫合適 Part 8》

其實講左咁多,我相信大家都有一定既認知,知道自己想要一隻咩類型既耳機😆
但有時都唔排除會出現d情況就係....

1:)我照足小編你講既方法去試,但都唔岩喎!點解既🤔
2:)我睇哂之後知道自己想聽動鐵或動圈呀,但係無隻中既又點解呢?
3:)我睇中左隻但佢無辦法帶得穩唔通我要長期禁實佢先用到?
4:)點解無一隻耳機係低音突出之外高音又夠?

有時好多問題都會因應唔每用家會有唔同答案,好難一個答案走到底既🤣🤣
就好似有時d老友記會不停話唔夠清唔夠清,無論俾幾多鐵佢都話唔夠清🤦🏻‍♂,結果換隻重低音既耳機比佢,佢會話呢隻夠清啦🤣😅😅
所以就算睇完咁多PART都好,有d野好緊要既就係😁
你理解既清係 =咩?分析力?人聲清?定係高音要好突出? 😆
你覺得唔夠大聲或者D聲好似好遠咁,係咪因為帶唔夠穩定係部機輸出唔夠😊


仲有好多好多情況,真係要大家自己去試,下次黎我地試完耳機,同我地交流下,可以幫你慢慢搵出答案嫁~
當然你地遇到有野唔明想既話,好歡迎起下面留言等小編解答下大家既😊😊

《何耳,耳機叫合適 Part 7》

動圈? 動鐵? - 2
上PART就講到單元一般可以從3個方向去得知佢地既特質啦,咁而家就講返少少比較簡淺D易明D既野啦😌😌

大家如果有睇上一PART既可能會睇到一頭煙😂,事實上又真係比較深入左D既,對一般用家黎講可能唔需要明,又未必要明白既事項黎~

咁而家我就好簡單好簡單咁同大家研究下動圈同動鐵有咩大分別啦~😉
1:)一般黎講動圈需求推力都比動鐵大,如果起同等音量同一個輸出底下,動鐵一定會比動圈大聲,呢個就係大家成日講既點解動圈好似好難推咁。
其實唔係架~只係大家都習慣左動鐵既時候覺得動圈比較難😌如果你部播放器開到最大聲你都認為唔夠大聲(帶得正確狀態下)咁你可以話佢難推,但如果你用平時聽開動鐵既音量去試動圈耳機既話,再話佢唔好聲,唔夠聲既話,咁就對動圈有少少唔公平啦😆,因為動圈同動鐵一直都唔係對等😂,所以大家下次想試耳機既時候,第一當然要帶穩啦😆,第2就係唔好理你上果對用緊你部電話1/3音量又好,一半又好,因為你而家係試緊新耳機,所有設定都係唔同既,所以大家要教返自己聽到係夠音量先好試呀😆

大家可以好似上面介紹既方法去試下身邊既 圈 / 鐵 耳機係咪真係有唔同架 🤣

《何耳,耳機叫合適 Part 6》

動圈? 動鐵?

一般黎講入耳式耳機最主要分為 - 動圈耳機 / 動鐵耳機 / 圈鐵混合型耳機
者係大家成日聽到既幾圈 / 幾鐵 / 幾圈幾鐵 - 代表住佢對耳機每邊有幾多個單元起入面
至於動圈同動鐵原理係點樣我就唔詳細講啦,網上都有好多資料參考,我只可以好簡單話佢係1個發聲既單元。

而動圈好、動鐵也好,一隻耳機大致上可以有3大方向去睇(太深入既我唔講,我只可以盡我能力好簡單咁解釋令大家明白🤣)

1:)頻率響應(Frequency Response)
簡單咁講者係1隻耳機可以重現到「適當音量」的聲音頻率的範圍。
Frequency - 頻率 ,一般正常人類聽覺可以聽到50Hz - 15K Hz 左右既聲音,數字越細表示佢既音頻越低,而20-200Hz係屬於低音範圍、200-2000Hz係屬於中音、2000-20kHz 就係高音範圍,所以大家成日見到既耳機掃頻圖就係用儀器去反影比大家知隻耳機起接受同一個電壓、不同頻率的訊號時所帶出既反應(dB)。

2:)阻抗(Impedance)
大家可能成日聽到既就係隻耳機幾多Ω(Ohm)幾多Ω咁樣,簡單咁講,就係阻抗越小越容易驅動出足夠的音量(者係大家成日講既易唔易推),如果你見到隻12Ω(Ohm)同36Ω(Ohm)既耳機,起同等音量下,前者係會大聲過後者,因為佢阻抗低,而往往動鐵既阻抗都係比動圈低,所以大家同等量下聽2種耳機都會覺得動鐵耳機響亮好多大聲好多,而動圈耳機就會覺得好似好難推同好大食咁。

3:)靈敏度(Sensitivity)
靈敏度係以 dB 做單位,起掃頻圖既圖片上大家會見到下面會有幾多Hz,而左邊就係幾多dB,dB就係解靈敏度,靈敏度愈高的耳機,起同一個輸出之下音量愈大。

有時大家會話點解我隻耳機成日聽到底噪聲?其實係可能因為你既耳機靈敏度太好,又或者係你既音源檔太差所以就會出現底噪既個情況架啦,聽到底噪唔使怕~有時間等小編同大家講下底噪係咩黎架啦😆
講返正題先,所以配合返第1點再去睇返一張耳機掃頻圖既話大家就會大約知道隻耳機既表現(條掃頻線如果左邊低頻dB比較大既話就表示隻耳機既低音表現會比較強勁、如果比較平伏既者係隻耳機比較平均、相反右邊就高音比較突出,但高頻係唔會突左出黎特別高dB既,因為呢個又涉及另一個問題架啦😂😂

《何耳,耳機叫合適 Part 5》

喜愛類型?
何為喜愛類型?我聽落隻隻都鐘意咁點算?

其實唔出奇架,簡單咁講有牌子既耳機,賣得出黎既質素都唔會差(淘淘野或者貼牌果D另計),只有岩唔岩你口味
咁如果你話我隻隻都鐘意咁點算好?你點樣幫我分我係鐘意咩耳機?

首先咁樣去睇~
如果你本身係偏向搖滾類、節奏感強勁既歌,咁你可以搵一隻低音比較突出既耳機😍
如果你本身鐘情慢歌情歌,咁你可以搵一隻人聲比較突出,分析力比較好既耳機😎
如果你話我乜都岩既但想要隻好聲既耳機,咁你咪可以搵隻平衡少少既耳機咪照顧到你既需要😆

睇到呢度你可能會覺得......小編你講就係呀?一定係咁既設定咩?🤔

🙎🏻‍♂ : 咁當然唔係啦,我只係講緊一般情況下,但好多野都有例外,有人會鐘意用低音偏重既耳機聽慢歌都有😆,呢個就係我地成日講既聽感啦(有興趣遲下再解釋)。

🙎🏽‍♂: 呀小編你係咪每日唔講下廢話唔安樂?我夠知啦😒
喂,咁我都要照顧哂咁多方面既朋友架嘛,點可以一黎就上高階班呢😅

《何耳,耳機叫合適 Part 4》

聲音還是音質?
有唔少人存在住一種情況就係 - 咩叫好聲?有聲咪得囉,點分佢好唔好聲,聽完咪又係咁,唔通你話好聲果D聽落會變左第2個把聲?
係咪覺得好似唔知起邊度聽過咁呢😂

其實以上情況可以理解為你無去了解個聲音呢樣野
🙎🏽‍♂ : 小編,聲就係聲,有就有無就無架啦,有咩要理解?
以上既提問正正就係證明左,你需要既只係聲音。

今日可以起度好簡單咁教大家點樣分別自己需要既係咩
以小編為例,有時會接觸到D老友上黎第一句就話我無要求架,是但得架啦😆
如果呢個時候我真係是但拎隻比佢試而佢又真係話是但無所謂既,咁呢種就真係只要求聲音,對音質無講究(又或者覺得我地隻隻都係正貨隻隻都咁正😂😂😌)。

而有種就係上黎同小編講我無要求是但有聲得架啦,但試左好幾隻都會有話咩位差少少既反應,好抱歉,閣下唔係無要求,係絕對地有要求的😆😆

總括就係,如果真係純粹有聲就收貨既,你要既只係聲音,對音質係無乜要求(只要隔到外界D聲就可能得)
如果你會覺得低音唔夠,高音太尖,想個人聲出D貼耳D之類,恭喜哂,你對音質係有要求,你可以入坑啦😂😂

今集講到呢度,下集教大家點樣去分辨自己鐘意既類型~

《何耳,耳機叫合適 Part 3》

我地繼續向呢個方向探討一下,提到耳仔細既人比較難搵到合適既耳機,咁點算呀? 唔通我淨係可以起屋企聽喇叭或者用頭戴式耳罩?

咁當然唔係啦,其實好多客人都會有同一個諗法,反正隻隻耳機都帶得唔舒服,又易甩,又痛,咁就用生果牌算啦,起碼佢叫帶得到。
其實方向係正確既,起碼大家心目中追求係一隻帶得舒服既耳機,但市埸上無乜選擇又或者已經懶得去撞板,加上生果牌真無線藍芽耳機既帶動,令到真無線耳機已經形成左有一個大市埸,同埋重點係 - 帶到唔甩!

但係咁喎小編,你一直提及既首要要隔到音先叫做試到隻耳機好唔好聲,咁生果牌本身都唔係好隔到音,頭2代佢純粹掛起隻耳度,呢代先叫做用返個耳膠同埋整個降燥功能出黎,起規格上佢既音色比起真係入耳式既耳機比起黎有距離架啵,咁點解咁多人用佢既?

生果牌喎😆用佢已經=潮流,同埋事實上佢既真無線耳機表現一直都唔錯,起綜合咁多個方面黎計,佢個價錢對得住佢個表現同牌子架啦,比起某D耳機貴一貴,但10個有8個都會話帶一陣就好痛呀...(但佢又好好聲,煩死人啦😭😭。)

哈哈,上面果個情況又可以得出2大類用家既決定 - 要聲音定要音質

《何耳,耳機叫合適 Part2》

好多都會覺得d女仔唔係好識聽耳機?!次次同佢去試耳機都話一樣~

其實就好似D男友老公陪你買化妝品,不停問佢邊款好睇😌
佢地永遠都會話BB你用邊款都咁靚架啦唔好諗咁多😆(其實者係話緊比你聽款款都好似一X樣咁樣囉😂
其實都係因為大家都唔了解~ d耳機通常都唔岩女仔戴🤣

點解好多男仔都聽到有分別,反而好多女仔聽黎聽去都係覺得係一樣樣🧐?

原因係,你想試乜野耳機都好,首要、首要、首要條件你對耳機要塞得住你個耳導口,先可以形成一個隔音環境,先可以試到隻耳機發揮出黎既水準 (但基本上我地實際用通用型既耳機,因為配戴既問題,耳機最多都係發揮到80%左右既音色)。但可惜依家好多耳機唔好話女仔,連男仔都帶得唔好,帶到又搞到隻耳仔又腫又痛!

同埋男仔一般耳仔比女仔大,而市面上既耳機男仕們相對易d戴到,咁咪可以分別到耳機有咩特色囉😄

相反女性朋友好多耳仔都係細細隻,根本戴唔到,所以你比咩佢聽都好,佢地都係覺得一樣聲,點解? 都隔唔到音,點試到?😆

就好似隔離不停好嘈好嘈咁,你面前就算有對幾萬銀既喇叭都好啦,你一樣覺得佢唔好,因為太嘈你無辦法享受到對喇叭原有既能力(所以點解有影音鋪會有試聽室,係一個完全靜音既環境底下比你試聽一對喇叭就係咁解)
而耳機點解無試聽室?你比個完全無聲既環境既地方我試,就算我帶唔到咪一樣試到,小編你係咪廢話呀😎

因為……好簡單咁講,喇叭係比1個環境用(房又好、客廳又好、演唱會都好,佢都係屬於一個環境地方咁去使用)
而耳機,以而家市面上9成既款式去解釋,佢地統一係屬於入耳式耳機類別,而佢既要求其實就正如我一開始咁講,佢先要做到一個隔到音既環境先可以鑑賞到每個牌子、每隻耳機既分別啦😉

好啦,今集講到呢度先,總結就係想試聽咩耳機都好,首要既記得要塞到你個耳導口做到個隔到音既效果先叫真係試到佢本身係咩聲呀😂 同埋緊記!!!緊記就係,要帶穩哂2隻耳仔再試先得呀😂
有D大神帶單邊聽幾秒就好似知果隻耳機咩聲果D我自問就真係無咁既能力啦🤦🏻‍♂🤦🏻‍♂